Nyimbo na Uchocheaji Mabadiliko ya Kijamii
| dc.contributor.author | Ambilikile, Alinani | |
| dc.date.accessioned | 2020-03-05T05:24:28Z | |
| dc.date.available | 2020-03-05T05:24:28Z | |
| dc.date.issued | 2014 | |
| dc.description | Tasnifu (MA Kiswahili) | en_US |
| dc.description.abstract | Utafiti huu unahusu “Nyimbo na Uchocheaji Mabadiliko ya Kijamii”. Nyimbo zilizotumiwa katika utafiti huu ni za BongoFleva zihusuzo UKIMWI. Utafiti umefanyika katika mkoani Dar es salaam na Dodoma ambako data za uwandani na maktabani zilikusanywa na kuchambuliwa kwa njia ya maelezo kwa sababu uchambuzi wake haukuhusisha data za kitakwimu. Malengo ya utafiti huu yalikuwa matatu, Mosi kubainisha nyimbo teule za BongoFleva zinazohusu UKIMWI, ambapo nyimbo teule za BongoFleva zihusuzo UKIMWI zimebainishwa. Pili, kuchambua maudhui yabebwayo na nyimbo teule zinazohusu UKIMWI, ambapo nyimbo teule ishirini na mbili (22) za BongoFleva zihusuzo UKIMWI zimechambuliwa. Hatimaye lengo la tatu lilikuwa kuchunguza jinsi maudhui ya nyimbo teule za BongoFleva zihusuzo UKIMWI yanavyochochea mabadiliko katika jamii, ambapo mabadiliko ya kijamii yameibuliwa na kufafanuliwa kwa njia ya maelezo. Sampuli ya utafiti huu iligawanywa katika makundi mawili, kundi la kwanza lilihusisha ukusanyaji wa nyimbo za BongoFleva zihusuzo UKIMWI ambapo jumla ya nyimbo thelathini na nne (34) zilikusanywa na nyimbo ishirini na mbili (22) zilichambuliwa. Kundi la pili lilihusisha jamii ya wasikilizaji, ambapo wasikilizaji arobaini (40) walipewa dodoso kutoa taarifa za utafiti huu, kwa mgawanyo wa wasikilizaji wa uraiani (10), wanafunzi wa Shule za Sekondari kumi na tano (15). wanafunzi wa Vyuo watano (5) na walimu (10) ambapo makundi haya yalitoa taarifa zilizotumiwa katika mjadala wa utafiti huu. Uchambuzi wa utafiti huu umetumia nadharia ya Mwitiko wa Msomaji kama kiongozeo cha kuyachunguza maudhui ya nyimbo za BongoFleva na uchocheaji wa mabadiliko ya kijamii. Nadharia ya mwitiko wa msomaji imetumiwa kutoa mwongozo wa namna hadhira au mpokeaji wa kazi ya fasihi anavyotumia mazingira na uwezo wake, kupokea na kutafsiri kazi ya fasihi. Ufafanuzi wa taarifa zote zilizochambuliwa umetolewa kwa njia ya maelezo kutokana na utafiti kutohusisha taarifa za kitakwimu. Matokeo ya utafiti huu yameonesha kuwa nyimbo za BongoFleva zihusuzo UKIMWI zimebeba maudhui muhimu yenye mafunzo na maadili kwa mabadiliko ya jamii. Mabadiliko yaliyobainika katika uchambuzi wa taarifa za utafiti ni pamoja na tabia, mitazamo ya kiitikadi, saikolojia, na dhana potofu. Pamoja na mafunzo na maadili yanayosanifiwa na nyimbo za BongoFleva zihusuzo UKIMWI, utafiti umebaini baadhi ya watu kuvutiwa zaidi na ala za muziki na sauti za wasanii kuliko ujumbe wa nyimbo hizo. Katika hitimisho la utafiti huu tumetoa mapendekezo kama: mosi, nyimbo zipewe kipaumbele katika mapambano dhidi ya UKIMWI, ili kunusuru jamii hasa vijana dhidi ya maambukizi mapya ya virusi vya UKIMWI. Pendekezo hili limetokana na ukweli kwamba vijana hupenda sana nyimbo za muziki wa BongoFleva kwa sababu huwa zina mvuto kwao na kwa upande mwingine vijana ndio wahanga wa maambukizi ya UKIMWI. Pili, Jamii ielimishwe kutambua ufaafu wa nyimbo za BongoFleva katika kueneza maudhui ya vita dhidi ya maambukizi VVU. Aidha, jamii zikubali kuweka kando itikadi zinazopingana na ukweli juu ya maambukizi ya VVU, na kuchukua hatua ya kushirikiana kwa pamoja kutokomeza maambukizi mapya ya VVU kwa jamii. | en_US |
| dc.identifier.citation | Ambilikile, A. (2014). Nyimbo na Uchocheaji Mabadiliko ya Kijamii (Tasnifu). Chuo Kikuu cha Dodoma, Dodoma. | en_US |
| dc.identifier.uri | http://hdl.handle.net/20.500.12661/1978 | |
| dc.language.iso | Kisw | en_US |
| dc.publisher | Chuo Kikuu cha Dodoma | en_US |
| dc.subject | Nyimbo | en_US |
| dc.subject | Ukimwi | en_US |
| dc.subject | BongoFleva | en_US |
| dc.subject | Dodoma | en_US |
| dc.subject | Fasihi | en_US |
| dc.subject | Maadili | en_US |
| dc.subject | Muziki | en_US |
| dc.subject | VVU | en_US |
| dc.subject | Mabadiliko kijamii | en_US |
| dc.subject | Dar es salaam | en_US |
| dc.title | Nyimbo na Uchocheaji Mabadiliko ya Kijamii | en_US |
| dc.type | Dissertation | en_US |